२६ बैशाख, २०८२ | 09 May, 2025
पोखरा । पोखरा–१०,रामाघाट पल टासि छ्योलि∙ गोपाल गुम्बामा आयोजित १० दिने (कङग्युर) त्रिपिटक वाचन तथा तोनाग घोसुम पुजाको आठौं दिन विहिवार हुने तोनाग घोसुम पुजाको तयारीमा केन्द्रित रह्यो। अन्य दिनहरुमा जस्तै प्रवचन र पुजा पाठसँगै अठौँ दिनमा हुने ग्रहशान्ति पुजा, तोनाग घोसुम पुजामा सहभागी एवम लामा नृत्य अवलोकन गर्न करिब ६ हजारको संख्यामा उपस्थिति हुने भएकाले विशेष तयारीमा जुटेको लामा उर्गेनले जानकारी दिए ।
मंगलवारको वाचन तथा पुजामा पोखरा १३ कुडहरमा रहेको एकता टोल आमा समुहकी अध्यक्ष नन्दमाया तामाङसहितको समहुगत विशेष सहभागिता रहेको थियो भने कास्की, पर्वत, स्याङ्जा, तनहु, लमजुङ, गोर्खा, चितवन, रुपन्देही, काठमाडौं लगायतको भक्तजनहरुको सहभागिता रहेको थियो।
पुस १ गतेदेखि शुरु भएको विश्व शान्तिका लागि आयोजित १९ औं संस्करणको त्रिपिटक वाचनमा गुम्बाका प्रमुख गुरु लामा गोपाल गुरुङले बौद्ध दर्शन र तोनाग घोसुम पुजाका बारेमा प्रचवन दिएका थिए । कङ्ग्युर पाठ वाचन तथा तोनाग घोसुम पुजाको आठौं दिन विहान ढोल्मा तारादेवी पुजा, आयु पुजा, कुरिम तथा महाकाल पुजा(ग्रहशान्ति पुजा तथा ङोवा मोनलम(पितृ पुजा) समेत गरिएको कार्यक्रममा सपासक उपासिकाका बृहत सहभागीता रहेको थियो।
यसरी नै कङ्ग्युर पाठ वाचन तथा तोनाग घोसुम पुजाको अन्तिम अर्थात समापनका दिन वाङ प्रदान गर्न परमपुज्य टुल्कु रिम्पोछे पोखरा आइपुग्नुभएको लामा फुर्वाले जानकारी दिए ।
पल टासि छ्योलि∙ गोपाल गुम्बाद्धारा आयोजित त्रिपिटक वाचन तथा पुजामा ब्रेज मेश्रों घान्द्रुक तमु समाज पोखरा, टासी छ्योलि∙ गोपाल गुम्बा आमा समुह, आठभाई बाह्र घर प्ल्हनेरों भाईखलक र रिच्हमी(चेलीबेटी)को सहयोगी रहेको छ।
