११ बैशाख, २०८१ | 23 Apr, 2024
काठमाडौं । सार्वजनिक खरिद अनुगमन कार्यालयले ३ वटा ठेकेदार कम्पनीलाई कालोसूचीमा राखेको छ । साइनो छापाखाना, राजवंशी निर्माण सेवा, श्री साई इम्पेक्स र के डि एम इन्टरनेशनल प्रा.लि.कालोसूचीमा परेका हुन् । कार्यालयले तीनवटै कम्पनीलाई १÷१ वर्ष अवधिका लागि कालोसूचीमा राखेको जनाएको छ । उनीहरुको कालोसूची बुधबारदेखि लागू भएको छ ।
सार्वजनिक खरिद ऐनको प्रावधान अनुसार तोकिएको समयभित्र निर्माण नसक्ने निर्माण व्यवसायी वा तोकिएको परिमाण, गुणस्तर र समयमा आपूर्ति गर्न नसक्ने आपूर्तिकर्ता वा तोकिएको समयमा परामर्श सेवा दिन नसक्ने परामर्शदाता लगायत ठेकेदार कम्पनीलाई सार्वजनिक निकायको सिफारिसमा सार्वजनिक खरिद अनुगमन कार्यालयले कालोसूचीमा राखेर कारबाही गर्नसक्ने व्यवस्था गरेको छ । सोही अनुसार उनीहरुलाई कालोसूचीमा राखिएको हो ।
