२६ बैशाख, २०८२ | 09 May, 2025
काठमाडौं । नेपाल वायुसेवा निगम (नेपाल एयरलाइन्स)ले साउदी अरेबियाको दमाममा नियमित उडान सुरू गरेको छ। निगमले गत बुधबारदेखि काठमाडौं–दमाम–काठमाडौं सिधा उडान सुरू गरेको बताएको छ। निगमका अनुसार बुधबार राती १०:४० मा भएको उडानमा १ सय २६ यात्रु थिए भने दमामबाट काठमाडौं फर्किंदा १ सय १७ जना थिए।
निगमका प्रवक्ता रमेश पौडेलले साताको दुई दिन बुधबार र शनिबार उडान गर्ने जानकारी दिए। बजार माग र निगम बजार व्यवस्थापनअुनसार उडान संख्या बढाउँदै लैजाने उनको भनाइ छ। टिकट अनलाइन र नजिकको ट्राभल एजेन्सीमार्फत् लिन सक्ने निगमले जनाएको छ।
