६ जेठ, २०८१ | 19 May, 2024
काठमाडौं । उद्योग वाणिज्य तथा आपूर्ति मन्त्री लेखराज भको नेतृत्वमा नेतृत्वमा खाद्य वस्तुहरुको वितरण प्रणालीबारे अनुमगन गरिएको छ । मन्त्री भट्टको नेतृत्वमा आपूर्ति सचिव वैकुण्ठ अर्याल एवम वाणिज्य आपूर्ति तथा उपभोक्ता संरक्षण विभागका महा निर्देशक नेत्रप्रसाद सुवेदीको टोलीले खाद्य वस्तुहरुको स्टक तथा वितरण प्रणाली बारे जानकारी लिएको हो ।
उक्त टोलीले नेपाल चेम्बर अफ कमर्स आपूर्ति समितिका सभापति एवम खाद्य किराना व्यापार संघका अध्यक्ष देवेन्द्र भक्त श्रेष्ठसँग अति आवश्यक खाद्य वस्तुहरुको स्टक , माग एवम वितरण प्रणाली बारे संघका पदाधिकारीहरुसँग छलफल गरेकाछन् ।
उक्त अवसरमा आपूर्ति समितिको सभापति देवेन्द्र भक्त श्रेष्ठले यथेष्ट मात्रामा खाद्य सामाग्री स्टक रहेको र सरल तथा सूपथ मूल्यमा सुलभ तवरले खाद्यान्नहरु वितरण गर्न संघ प्रयत्नशील रहेको बताए । उक्त अवसरमा माननीय उद्योग वाणिज्य तथा आपूर्ति मन्त्रीले वितरण प्रणाली बारे सन्तोष व्यक्त गरे ।