२४ बैशाख, २०८१ | 06 May, 2024
बागलुङ । आइतबार बागलुङमा थप एक महिलामा कोरोना भाइरसको संक्रमण देखिएको छ । आज काठेखोला गाउँपालिकामा ७ जनाको आरडीटी गरिएकोमा स्थानीय ६५ वर्षीया महिलामा कोरोना संक्रमण पोजेटिभ देखिएको हो ।
अहिले गाउँकै क्वारेन्टाइनमा राखिएकी उनी केही समय अघिमात्रै भारतको तीर्थयात्राबाट फर्किएकी थिइन् । बागलुङका जिल्ला प्रशासनले उनको थप परीक्षणका लागि पुनः स्वाब संकलन गरेर पोखरा वा काठमाडौँ पठाउने तयारी गरिएको जनाएको छ ।
गएको शुक्रबारदेखि जिल्लामा सुरु गरिएको र्यापीड डाइग्नोस्टिक टेस्टबाट ४ सय ७६ जनाको परीक्षण गरिसकिएको छ । जसमा सबैको रिपोर्ट नेगेटिभ आएको छ । यसअघि जिल्लाका दुई जनामा संक्रमण पुष्टि भइसकेको छ ।
