६ जेठ, २०८१ | 19 May, 2024
काठमाडौं । सरकारले कोरोना भाइरस संक्रमितको व्यक्तिको पहिचान नखुलाउन आग्रह गरेको छ । आज स्वास्थ्य तथा जनसंख्या मन्त्रालयका प्रवक्ता डा विकास देवकोटाले मन्त्रालयमा आयोजित नियमित पत्रकार सम्मेलनमा उक्त कुरा बताएका हुन् ।
उनले भने, ‘विभिन्न सञ्चार माध्यममा कोरोना संक्रमित व्यक्तिहरूको नामसहितको विस्तृत विवरण प्रकाशनमा आएको छ । बिरामीको अनुमति बिना विवरण प्रकाशन–प्रसारण गर्न पाइँदैन ।
जनस्वास्थ्यका दृष्टिले सार्वजनिक नगरी नहुने विवरण भने मन्त्रालयले सार्वजनिक गरेको उनको भनाइ थियो ।
नेपालमा हालसम्म १६ जनामा कोरोना भाइरस संक्रमण पुष्टि भएको छ भने त्यसमध्ये एक जना निको भएर घर फर्किसकेका छन् ।
