६ जेठ, २०८१ | 19 May, 2024
काठमाडौं । कोरोना संक्रमणबाट अमेरिकामा फेरि अर्का एक नेपालीको मृत्यु भएको छ । बिहीवार न्यूयोर्कमा ६९ वर्षीय महेश अमात्यको स्थानीय जमाइका अस्पतालमा उपचारका क्रममा मृत्यु भएको हो ।
रिजउड नेपाली समाजका उपाध्यक्ष तुलसीराम आचार्यका अनुसार, अमात्यलाई स्वास्थ्यमा थप समस्या आएपछि बुधवार साँझ अस्पताल लगिएको थियो । केही महिना पहिले मात्रै अमात्य अमेरिका पुगेका थिए । परिवार निकटले दिएको जानकारी अनुसार उनकी श्रीमतीलाई समेत कोरोना भाइरसको लक्षण देखिएको खसोखासले लेखेको छ ।
अमात्यको दाहसंस्कार गर्न तथा परिवारलाई सहयोग पुराउने उद्देश्यले अहिले गो फण्ड मार्फत रिजउड नेपाली समाजले आर्थिक संकलन शुरु गरेको छ । काठमाडौं स्थायी घर भएका अमात्यका एक श्रीमती र ३ छोरा छन् । अमात्यका एक छोरा अध्ययनका लागि अमेरिकामै छन् ।