५ जेठ, २०८१ | 18 May, 2024
काठमाडौं । नेपाल एयरलाइन्सका चालक दलका ६ जनामा कोरोना भाइरस (कोभिड–१९) देखिएको छ । स्वदेश फर्कन चाहने नेपाली लिनका लागि विभिन्न मुलुकमा उडान भरिरहेका उनीहरुमा कोरोना संक्रमण देखिएको हो ।
उनीहरूमा कोरोना देखिएपछि बस्दै आएको सोल्टी होटलमा सील गरिएको छ । उडानबाट आएर सिधै होटलमा पुगेर त्यहीँ बसेर अन्य गन्तव्यको उडान भर्दै आएका चालक दलका सदस्यमा कसरी कोरोना संक्रमण फैलियो अनुसन्धान भइरहेको छ ।
होटलमा बस्दा नियमित नाचगानसहित मनोरञ्जन गर्ने र होटलका कर्मचारीहरुसमेत नाचगानमा सहभागी हुने गरेका थिए । नियमित ४० जना चालक दलका सदस्यहरु होटल सोल्टीमा बस्ने गरेका छन् । चालक दलका अन्यको पनि पिसीआर परिक्षणको तयारी भएको छ ।
यसैबीच, होटल सोल्टीलाई सिल गर्ने तयारी भएको छ । होटल सिल गरी त्यहाँ रहेका सबैको पिसीआर परिक्षण गरिने भएको हो ।