२२ बैशाख, २०८१ | 04 May, 2024
काठमाडौं । मंगलबार थप थप २ सय ४ जनामा कोरोना संक्रमण पुष्टि भएको छ । जसमध्ये काठमाडौँ उपत्यकामा मात्रै थप २८ जनामा कोरोना संक्रमण पुष्टि भएको हो । स्वास्थ्य तथा जनसंख्या मन्त्रालयले आज नियमित पत्रकार सम्मेलनमार्फत उक्त जानकारी गराएको हो ।
मन्त्रालयका प्रवक्ता प्रा. डा. जागेश्वर गौतमका अनुसार संक्रमितहरुमा काठमाडौँका १४ जना, ललितपुरका १० जना र भक्तपुरका ४ जना रहेका छन् । सोमबार उपत्यकामा ५४ जना संक्रमित थपिएका थिए ।
मंगलबार थप २ सय ४ जनामा कोरोना पुष्टि भएसँगै नेपालमा हालसम्म संक्रमितको संख्या १६ हजार १ सय ६८ जना पुगेको छ । त्यस्तै, थप ६ सय ८८ जना निको भएका छन् । यससँगै ४६ प्रतिशत संक्रमित उपचारपछि निको भएको मन्त्रालयले जनाएको छ ।