५ जेठ, २०८१ | 18 May, 2024
काठमाडौं । पछिल्लो २४ घण्टामा नेपालमा थप १ सय ५६ जनामा कोरोनाभाइरस संक्रमण पुष्टि भएको छ । आइतबार स्वास्थ्य तथा जनसंख्या मन्त्रालयले नियमित पत्रकार सम्मेलनमार्फत उक्त जानकारी गराएको हो ।
मन्त्रालयका प्रवक्ता प्रा. डा. जागेश्वर गौतमले देशका २७ वटा प्रयोगशालामा गरिएको परीक्षणमा विभिन्न जिल्लाका १ सय ५६ जना नयाँ संक्रमित थपिएका हुन् । पछिल्लो २४ घण्टामा १ हजार ७ सय ५० जनाको पीसीआर परीक्षणमा १ सय ५६ मा संक्रमण देखिएको हो ।
यससँगै नेपालमा कोरोना संक्रमितको संख्या १७ हजार ६ सय ५८ पुगेको छ । देशभर सक्रिय संक्रमितको संख्या ५ हजार ९२३ रहेको छ ।
