४ महिना पछि हट्टयो उपत्यकाको निशेधाज्ञ डीसीएमीसंग समन्वय गरी विद्यालय खोल्न पाइने

 अर्थ बुलेटिन   १६ भदौ, २०७८



काठमाडौं । कोरोना भाइरसको दोश्रो लहरको जोखिम बढेसंगै विगत ४ महिना अघिदेखिको लगाइएको उपत्यकाको निशेधाज्ञ हटेको छ ।

गत बैशाख १६ गतेदेखि पटक पटक थप गर्दै लगाईदै आएको काठमाडौं उपत्यकाको निशेधाज्ञ ४ महिनापछि भाद्र १६ गते बुधवारदेखि हटाईएको हो । उपत्यकाका तिनबटै जिल्ला काठमाडौं, ललितपुर र भक्तपुरका प्रमुख जिल्ला अधिकारीहरुको बुधवारको संयुक्त बैठकले निशेधाज्ञा हटाउने निर्णय गरेको काठमाडौंका प्रजिअ कालिप्रसाद पोखरेलले जानकारी दिनुभएको विविसीले जनाएको छ । 

विविसीका अनुसार उपत्यकाका ३ जिल्लाका प्रजिअहरुको संयुक्त बैठक पछि आज सूचना जारी गर्दै विभिन्न निकायहरु र स्वास्थ्य विज्ञहरुसंगको छलफलपछि जोखिमको अवस्था केहि सामान्य बन्दै गएकाले हाललाई निशेधाज्ञा हटाईको हो ।

४ महिनादेखिको निशेधाज्ञाका कारण दैनिक जनजीवन, व्यापार व्यवसायमा भएको असहजतालाई केहि सहज बनाउनका लागि निशेधाज्ञाहटाईको जनाइएको छ । यस्तै, चाडवाडहरु समेत भित्रिएकाले पनि केहि सहज बातावरण बनाउनुपर्ने अवस्था आएको प्रशासनको बुझाई रहेको छ । 

यद्यपी, निशेधाज्ञा हटाईएको भएपनि जोखिमको अवस्था पूर्ण रुपमा हटिनसकेकाले सावधानीका साथ दैनिकी संचालन गर्न, स्वास्थ्य मापदण्डहरु पूर्ण रुपमा पालना गर्न प्रशासनले सबैलाई अपिल गरेको छ । यदि स्वास्थ्य मापदण्डहरु पालना नभएको खण्डमा प्रशासन कारवाही गर्न बाध्य हुने पनि प्रशासनले जनाईको छ । 

त्यस्तै, प्रशासनले आजै एक आदेश जारी गर्दै कोभिड-१९ व्यवस्थापन निकाय डीसीएमीसंग  समन्वय गरेर आवश्यक परे विद्यार्थीको भौतिक उपस्थितिमा विद्यालय सञ्चालनको निर्णय गर्न सकिने उल्लेख गरेको छ ।

 

आदेशमा समेटिएका बुँदाहरुः

काठमाडौंका प्रमुख जिल्ला अधिकारीबाट जारी भएको आदेशमा समेटिएका बुँदा यस्ता छन्स्

  • शैक्षिक संस्थाहरूले भौतिक उपस्थितिमा पठनपाठन गर्न गराउन नपाइने। गर्नुपर्ने भए नेपाल सरकारले जारी गरेको स्मार्ट लकडाउनको प्रावधानमा रहेर स्थानीय तहहरूले सीसीएमसीसँग समन्वय गरी विद्यालय सञ्चालनको निर्णय गर्ने,
  • चाडपर्वहरू स्वास्थ्य प्रोटोकल पालना गरी न्यूनतम सहभागितामा साङ्केतिक रूपमा गर्ने,
  • अनावश्यक मानिस जम्मा हुने, भिडभाड गर्ने, सभाजुलुस गर्ने, जात्रामहोत्सव, भोज नगर्नेरनगराउने,
  • व्यक्ति, समूह तथा संस्थाबाट आर्थिक, सामाजिक तथा व्यावसायिक गतिविधि गर्दा नेपाल सरकारले तोकेको मापदण्ड पूरा गरेर गर्न पाउने, 
  • स्थानीय ढुवानी बिहान ९ बजेदेखि ११ बजेसम्म र अपराह्न ४ बजेदेखि ७ बजेसम्म गर्न नपाउने, 
  • सार्वजनिक तथा निजी निर्माण कार्यको लागि सामग्री ढुवानी बेलुका ९ बजेदेखि बिहान ५ बजेसम्म गर्न पाउने, 
  • कोभिडको लक्षण देखिएका तथा सङ्क्रमितको सम्पर्कमा परेका व्यक्तिहरूले सरकारले निःशुल्क व्यवस्था गरेको एन्टीजन तथा पीसीआर परीक्षण गराउनुपर्ने व्यवस्थाको प्रभावकारी पालना गराउने, र
  • जिल्ला प्रशासन कार्यालयले कुनै पनि बेला अहिलेको व्यवस्था पुनरवलोकन हुनसक्ने भन्दै आदेशको उल्लङ्घन गर्नेलाई कारबाही गरिने जनाएको छ


प्रतिक्रिया


प्रतिक्रिया थप्नुहोस





थप शिक्षा / स्वास्थ्य खबर

मध्य युगमा लाखाैंकाे ज्यान लिने ‘ब्लाक डेथ’ का संक्रमित चीनमा भेटिए

मध्य युगमा लाखाैंकाे ज्यान लिने ‘ब्लाक डेथ’ का संक्रमित चीनमा भेटिए


प्रगतिशिल शिक्षाका लागि विद्यालय रूपान्तरण विषयमा एकदिने सेमिनार सम्पन्न

प्रगतिशिल शिक्षाका लागि विद्यालय रूपान्तरण विषयमा एकदिने सेमिनार सम्पन्न


एसईईको नतिजा सार्वजनिक गर्ने निर्णय

एसईईको नतिजा सार्वजनिक गर्ने निर्णय

विद्यार्थी बाहिरिने परिस्थिति रोक्न विश्वविद्यालयहरू गम्भीर हुनुपर्छ : प्रधानमन्त्री

विद्यार्थी बाहिरिने परिस्थिति रोक्न विश्वविद्यालयहरू गम्भीर हुनुपर्छ : प्रधानमन्त्री


जनसंख्या विषयलाई थप व्यवहारिक बनाउदै त्रिवि

जनसंख्या विषयलाई थप व्यवहारिक बनाउदै त्रिवि


नेपालमा ओमिक्रोनको नयाँ भेरियन्ट संक्रमणकाे पुष्टि

नेपालमा ओमिक्रोनको नयाँ भेरियन्ट संक्रमणकाे पुष्टि


आजको मौसमः प्रदेश १ को हिमाली भु–भागमा हिउँ पर्ने

आजको मौसमः प्रदेश १ को हिमाली भु–भागमा हिउँ पर्ने


डा. सन्दूकसँगको भेटमा प्रधानमन्त्रीले जनाए तिलगङ्गालाई मानिक विश्वविद्यालय बनाउने प्रतिवद्धता

डा. सन्दूकसँगको भेटमा प्रधानमन्त्रीले जनाए तिलगङ्गालाई मानिक विश्वविद्यालय बनाउने प्रतिवद्धता


वर्षमान पुन अस्पतालबाट डिस्चार्ज

वर्षमान पुन अस्पतालबाट डिस्चार्ज



विज्ञापन

 

© 2024 - अर्थ बुलेटिन | Developed by Smart Innovation