१७ बैशाख, २०८१ | 29 Apr, 2024
काठमाडौं । विगत डेढ दशकदेखि लाखौ विद्वान उत्पादन गर्ने, शिक्षा वाढ्ने शिक्षक आज आफ्नो अधिकारका लागि लडाई लडिरहेको छ भन्ने विषय वास्तवमानै लज्जास्पद कुरा हो ।
तर, हामिकहाँ जे नहुनुपर्ने हो त्यो नै भईरहेको छ । देशको जेठो शैक्षिक संस्था त्रिभूवन विश्वविद्यालय परिसर भित्र रहेको त्रिवि सेवा आयोगको मुल गेट अगाडि २ वटा समूह शान्तिपूर्ण धर्नामा छन् ।
एउटा हो, ‘समान कामको, समान ज्याला’ का लागि डेढ दशक देखि निरन्तर शान्तिपूर्ण आन्दोलन गर्दै आइरहेको आंशिक प्राध्यापकहरु र अर्को हो, त्रिविको वेथितिपूर्ण सेवा आयोगको परिक्षालाई मर्यादित बनाउ भनेर माग गर्ने उप–प्राध्यापक पदको लागि आवेदन दिएका प्रशिक्षार्थीहरु ।
त्रिवि परिसर भित्र जे देखियो...
तपाई आज त्रिभूवन विश्वविद्यालयभित्र जादै हुनुहुन्छ भने कतै द्वन्दरत रुस र क्रोएशियाको सिमा भित्र छिर्न लागेको त छैन भन्ने आभास हुन सक्ला । किनभने, त्रिविको प्रवेशद्वार देखि सेवा आयोग वरपरसम्मको स्थान सुरक्षा निकायले भरिएको छ ।
अधिकारको माग गरेका र त्रिवि सुधार्नुपर्छ भन्नेहरुले सायद ठूलै अपराध गरेको अनुभूति राज्यले गरेको छ र यिनिहरुलाई दमन गर्नुपर्छ भन्ने निष्कर्षमा राज्य पुगेको छ । त्यसैले, बन्दोवस्तिका सामान सहित सुरक्षा निकायका दर्जनौ सवारी, सयौंको संख्यामा सुरक्षा फौज परिचालन गरिएको छ ।
सेवा गर्ने, ज्ञान वाढ्ने, प्राज्ञीक व्यक्ति उत्पादन गर्ने यस्ता गुरुहरुलाई नमन होइन आज राज्य, शोषण र दमनमा उत्रेको आभाष त्यहाँ पुग्दा हुने गरेको छ ।
२०७८ फागुण २२ गते मध्यान्हको समयमा सेवा आयोग वरपर देखिएको आन्दोलनरत शिक्षक र प्रशिक्षार्थी एंव सुरक्षाकर्मीको १० तस्वीरहरुः
